lamak kulek dek makan sate ajo
kuah tapuang usah diangek-angekkan
bukan salero nan indak ado
jo a anak urang ka diagiah makan
anak Ampang bamain pencak
juruih banamo bangau mamantak
bukan anak gadih tak ado nan rancak
pitih tak ado ka pambuek salamak
abih umua hilang pangana
husnul khotimah juo nan dimintak
bukan bantuak diri nan buruak bana
urang maliek ka ameh jo perak
urang jao mamakai karih
ditusuak ka batu bisa tambuih
lai basitungkin mancari pitih
dapek juo sacukuik pambali nasi bungkuih
urang gilo duduak dipasuang
indak dapek mangarik badan takuruang
urang tak butuah cinto nan sagunuang
urang paralu ka uncang bakaruang
Tidak ada komentar:
Posting Komentar