baa kaba anak daro
hari baralek tingga maetong
hancua hati di dalam dado
gaji saketek alah kanai potong
batalua itiak sarati
bataluu di bawah rumah
baumua lah dakek ka mati
elok sambayang nan kaditambah
elo dielo si tali kabau
dielo ka paraak karambi
beko juo kato nan kacau
urang di langik awak masih di bumi
malompek ka dalam tabek
tabek patah ikannyo banyak
kasih sayang indak saketek
namuah panuah dorom talatak
kok iyo balam suko banyanyi
tolong nyanyi lagu urang rantau
kok iyo tuan bataguah janji
kirimlah ubek hati nan risau
bulek-bulek si buah duku
lamak dimakan di tapi dangau
kecek-kecek nan indak tantu
ilimu indah saincek tungau
bagulu si gundu batu
ka maimpok karateh gamba
baguru supayo tahu
apo nan salah apo nan bana
koncek badendang di laruik malam
paubek ibo ditinggakan surang
kecek adiak jadi rindu dandam
alek ka dibuek manjalang patang
lamang di masak jo palapah mangga
api diambuih angok lah sasak
etong putuih sarawa tangga
pitih tak adoh kasia mamintak
bajalan anak suliki
ikan banyak di pandam gadang
lai taragak andak babini
nan badan acok ragamang
rumah angku di kaki bukik
bajalan saketek manyisia pamatang
tanago abih badan lah sakik
oi rang kampuang gali lah kubu badan nan malang
Tidak ada komentar:
Posting Komentar