anak Padang manggaleh nasi
sambanyo lamak jo ikan bauang
apo guno ditangisi
elok dibuek karajo nan kabaruntuang
toge lamak digulai manih
agiah garam agak salayang
bibia galak hati manangih
manga nan jauah nan dikanang
sijunjuang lanseknyo manih
ka tanjuang ampalu pai mambalinyo
usah dituruik hati nan sadih
sumbayang malam ka paubeknyo
parak alah rimbo
dek lah lamo indak batabeh
dibukak kaji jo curito
jaso mandeh indak ka tabaleh
pakanbaru kotonyo laweh
jalan rancak salingka nagari
sarugo nan patuik pambaleh jaso mandeh
anak badoa tak pernah hanti
kacang ijau campua jo katan
lamak dimakan di muko rumah
hiduik ka mati jan dilupokan
beko sansaro badan bakalang tanah
Tidak ada komentar:
Posting Komentar