ya padeh samba lado
makan jo uok taruang
rang mudo jo internet lah manggilo
bantuak urang tak tahu diuntuang
hari galok manjadi kalam
nan ribuik jadi tanang
jo internet sajo karajo siang malam
bantuak urang kanai pitunang
gadang baruak pado monyet
samo makan pisang kaduonyo
kok sampai lalok pulo di warnet
apoko karajo nan subananyo
jo bis kota manjadi kernet
lah malam baru pulang
habih sibuk jo warnet
sibuak lai marusak nak gadih urang
mabuek gulai toco
lamak dikicok saketek sajo
dunia lah subana gilo
ndak mudo ndak tuo samo sajo
elok bajalan di jambatan
agak marapek urek rambutan
internet bisa manjadi setan
elok dipakai sekedar keperluan
Tidak ada komentar:
Posting Komentar