tagak bapaneh di simpang Duri
duduak tagak lamo mananti
nak kanduang balahan diri
dikasuah anak sapanuah hati
dibaok parang jo tangguak
pai bajalan ka parak parah
kok gadang anak isuak
sayangi mandeh sayangi ayah
bamalam di Tanjuang Pati
jo silamak indak takana
oi nak sayang, jadian solat pakasih diri
dicinto saganok hati jo jiwa
ka lauik laweh mamakai biduak
lauak dapek pambuek palai
kok tuo badan ayahmandeh isuak
sayang anak nak kadiharok lai
tabang baputa si ui-ui
batingkah talam jo gamaik
kama tujuan hiduik di duni
ka akhiraik nasib harus salamaik
hancua tonggak dek bubuak
kayu kareh pamacah talua
ko mati ayah mandeh isuak
jan lupo doa nak kanduang pandingin paneh kubua
Tidak ada komentar:
Posting Komentar